धर्तीको स्वर्ग रारा ताल (महेन्द्र दह) फोटो कथा

मुगू जिल्लाको २९९० मि उचाई मा रहेको रारा ताल लाई स्वप्न भुमी पनि भनिन्छ । सुदुर पश्चिमको कैलाली, डडेलधुरा, डोटी, अछाम र बाजुराको पन्डुसैन सम्मको गाडी यात्रा पश्चात सुरु हुने पैदल यात्रा बाट सुरु हुन्छ वास्तविक गन्तब्य रारा ताल ।

राराको मरोरम दृश्य 

बाजुराको कोल्टिमा रातिको बास बसी भोली पल्ट बिहान सुरु भएको यात्रा बाजुराको बाँधुमा बिहानको खाजा खान रोकिन्छ।

कर्णालीको तिरै तिर जुन वास्तवमै मनोरम छ सम्पूर्ण थकान मेटिने ।

दिउसोको खाना हुन्छ बाजुरा र मुगूको सिमा क्षेत्र कर्णालीको तिर मा रहेको झुलङाको सानो होटलमा ।

बिकट कर्णाली तिरको बाटो 

मुगू जिल्ला प्रबेश गरे पश्चात रातापनी हुँदै करिब  ६ घण्टाको पैदल यात्रा पछी माथिचौर भन्ने ठाउँमा बास बस्न पुगिन्छ ।

दोस्रो दिनको यात्रा सेरी हुँदै, माडिखोल खोला (रारा तालको पानी) को किनारै किनार बाउपानी पुगिन्छ खान खानको लागि ।

मुगुको रमणिय रातापनि गाँउ

त्यहा बाट ३/४ घण्टाको हल्का उकालो बाटो हिंडेपछी रारा गा. बि. स. को मुर्मा सेरी भन्ने ठाउँ पुगिन्छ । त्यहा बाट १ घण्टाको यात्रा पछी राराको मनोरम द्रिश्य देखिन्छ जस्को करण सम्पूर्ण थकान मेटिन्छ ।

वारीपरी हिउँका टकुरा र जङ्गल हरुको बिचमा रहेको रारा दह (महेन्द्र ताल) को ५००० मि लम्बाई, ३००० मि चौडाई र १६७ मि गहिराई छ ।

पश्चिमि  मोहडाबाट देखिएको रारा

रारा राष्ट्रिय निकुन्जको आश्रम गृह र एउटा सुबिधा सम्पन्न होटल रहेकोछ रात्री बिश्रामको लागि ।

अझ यात्रा लाई थ प रोमान्चित पार्ने हो भने रारा ताल बाट २ दिन को यात्रा गरी मुगूको सदर मुकाम बाट जुम्ला को भुल्भुले हुँदै चौथा मा बास बसी भोलिपल्ट नेउरी गाड , खाली, डाँफे लेक हुँदै जुम्लाको खलङा पुगिन्छ । जुम्ला को खलङा बाट हावाई मार्ग हुँदै सुर्खेत तथा नेपालगन्ज फर्कन सकिन्छ ।

राराको मरोरम दृश्य 

थप तस्बिरहरु तल हेर्नुहोस् ।

बाजुराको कोल्टी

मुगुको सेरी गाँउमा देखिएको रारा तालबाट निस्केको पानीको सानो खोला

राराको किनारामा रमाउदै पर्यटकदरु 

रारा राष्ट्रिय निकुञ्जको कार्यालय परिसर

जुम्लाको डाँफे लेक